ثلاث السنين

صبـآحكم / مسـآئكم إشعـــآر

قصيدة ثلاث السنين

اتمنى ان تنال رضاكم

ثلاث سنين وأنا أخطط لهذا اليوم يا بو سعـود

تيسر حالي وجاهـز أوفـي وعـدي بوقتـه

وفجأة جتني تتعـذر تقـول تأخـرت الوعـود

وانا مستغرب وأسمع كأنـي وعدهـا خنتـه

حسبت انها تمازحني وتتصنع جفـا وأسلـوب

ضحكت بوجهها من قلب مع انها بايخة النكته

وقالت ارضى بالواقع قلبي ما هـو المعهـود

تغير كل شي صوبك نصيبي مـا أظـن انـت

كنت بيوم محبوبي ولكـن مـا اظـن تعـود

وصل من قبل ما توصل وانا ذاك الصبر عفته

ولكن تكفى صدقني ويشهـد ربـي المعبـود

ترى ما خنتـك بغفلـة ولا كلمتـه وشفتـه

صراحة اهلي قالولي بانه ولـد اصـل وجـود

وجتني امه بالصورة وبكلمات المـدح اختـه

سكت وقلت هي فرصة مدام الجود في الموجود

وقالوا كل من حولي علامات الرضـا سكتـه

وانا فكرت دام امه واختـه مـا عليهـم زود

اكيـد انـي براضيهـم اذا وافقـت واخترتـه

واراضي اهلي واخواني مدام ان الفرح مقصود

عطيت الناس انا كلمة ومعاهم وقتـي حددتـه

ولا اقدر اغيرها تـرى عنـد العـرب منقـود

اوافق واعتذر باكـر واقـول الـراي غيرتـه

تبي تشرحلي المنقود تصدق عاد يا بو سعـود

تبيني أقتنع وأرضى بحال عمري مـا عشتـه

انا ماني بقايل لها عسى يفرش ثراهـا ورود

بعد ما حطمت قلبي وطعـم المـوت جربتـه

عسى بفستانها أشواك وبثوبه عقـارب سـود

ونار تحرق الكوشـه وتحـرق بيتهـم حتـى

وموت بليلـة الدخلـة يبـرد حرتـي ياكـود

ولا احس انه بحضنه يلامـس خـد لامستـه

علي اهون اذا ماتوا ولا بنفس السرير رقـود

ترى صعبه علي اتخيـل اللـي مـا تخيلتـه

عسى قاع الثرا يقسى ويتحول صخر جلمـود

وحفار القبر يرفض يسـوي فـوق مقدرتـه

ترى دفنت عديم الذات تلوع حتى كبـد الـدود

ومن خان العهود ومات تعافه حتـى مقبرتـه

عسى ربي يجازيهم بحبل من مسـد ممـدود

ويعلقهم من اطرافـه وفوقـه نـار وتحتـه

أنا ماني حقود وشين ولاني من نسل نمـرود

ومن حطه نفسه بوضعي بقول اللي انا قلتـه

مدام الفعل له ردة فعل والله ابشـري بـردود

بدعي دامنـي حـي وبغـرس للدعـا نبتـه

وبسقيها نزيف القلب ودمع ما رحـم الخـدود

وتكبر والثمر ثاري من اللي خاننـي وصنتـه

انا نذر علي اكتب وافجـر هالقصيـد رعـود

واسمع كل بشر صوتي عجبتـه ولا زعلتـه

واردد للي يسمعنـي اذا حبيـت حـط حـدود

انا حبيت بدون حدود وشـوف اللـي تكبدتـه

ثلاث سنين انا ابني وجت صورة بكـل بـرود

خذت مني شقا عمـري وحلـم قلـت حققتـه

دمتم بكل الحب

الله الله

راااائعه بكل معانيها

يعطيك العافية

ثلاث السنين

ثلاث السنين

رد: ثلاث السنين